jueves, 20 de febrero de 2014

"CIRCVLVS LATINVS LVSITANVS" creatus est.


A.d. IX Kal. Februarias institutus est Circulus Latinus Lusitanus in contione Emeritae habita. Octo magistri Latinitatis, quorum plurimi in hoc photogrammate videri possunt, ad hunc primum conventum convenerunt;  postea multi alii magistri ad hunc numerum se addiderunt. Plures conventus in posterum mense habebuntur, in Castris Caeciliis et Emeritae invicem. Ecce ea quae propediem a Circulo Latino Lusitano (CLL)  LATINE agenda sunt:
  • Lectiones textuum Latinorum.
  • Narrationes de experientiis quae in schola cum discipulis factae sunt.
  • Actiones fabularum.
  • Commentarii de rebus novis.